دخيلك و أمان الله ياخلّي تعال وضّمني بقوة
وعيّشني معك بجنون سكون ٍ وحبٍ بس وهله
ففيني من الوله مايكفي عشان يقتل أرض وتلّة
لكن خوفي من غدرك سقاني رعب وحزن ودمعة
أخافك تتركني وتقول كنتي يا طفلة مجرد نزوة
وبنت خالي ماتهون علي ولا على فراقها أفكر لحظة
أجل أنا وش ذنبي ؟؟ في قصتك تحشرني وتغرسني
لحد ماقلبك سكن قلبي و تعمّق فيك وحبّك بكل قوة
أمان الله يادنيا ...تعبت من وهم وكابوس مادري عنه
صحيح يحصل ؟؟ولا مجرد خوف ماله من أصله
دخيلك ياعُمْرٍ عشته و بسمةٍ رسمتها على محياي
طمنيّ مكاني في قلبك ما تغيرّ ولاتزحزح منّه
سكوتك يقتلني وتجاوبني وساوس الشيطان
وأظل أبكي على حالي ولا أدري كيف وشو القصة
أخاف أموت وأتالم وأعيد قصة ٍ أثرها في داخلي
ماراح ومازلت أحس بالأرق يكويني والندبة
طفي لهيبي أو اتركني في أرض الله مرميّة
و لا تسأل عن حالي إذا نويت ترحل وتصفيّ النية
أشوفك في عيوني طفلٍ تألم ولكن للتعبير مايعرف
لذا ماأقدر ازعل منك ولكن ماأقدر أكون صفيّة
بيموت فيني شيء ويمكن من الحين مات من خوفه
من مستقبلٍ مجهول ومن برودك الساكت ووعيّه
جاوبني.. مازلت أنا طفلتك في عينك الحلوه؟
حلفّــتك بالله طمنيّ وقولي:أحبج يا بنيّة
ولكن الدنيا قست شوي وعنج مسافات بعدت
مجرد مسافة..لكن البال حواليج يا مجنونة يا بنيّة
ليست هناك تعليقات:
إرسال تعليق