آخر أخباري

آخر أخباري؟؟؟؟؟ آآآآآه من آخر أخباري

بتاريخ 28-6   كانت النتايج , بصراحة تضايقت لأن العميد ما تعاون معانا،

كانت درجات مواده هي الأسوء و لولا ها الشيء كان تقديري جيد جدًا بدال

جيد ....آآآآآآه بس ما أقول إلا اللهم لك الحمد، المهم نجحناااااااااا

أما 29-6 فكان غيييير

انحطيت بموقف محرج خخخخخخخ بسبب طيبتي و عدم كثرة  سؤالي

المهم ..قمت أساعد خالتي على أساس ربيعاتها بييون عندها و آخر شيء

دخلت الصالة أشوف الليت  مسكر و في ليتات زرقاء كأني في ديسكو

شكيت في ربيعات خالتي ههههههه و أول ما وصلت نص الصالة انفتحت الليتات العادية

ع صراخ بنات العايلة و في النص كيكة كبيييييييرة عليها كاب تخرج و اسمي

من الصدمة قلت لهن :لحظة بسير ألبس كاب تخرجي

هههههههههههههههههههههههههههههههههههههههههههههههههههه

ولما لحقوني عسب يتطمنون علي قلت لهن خلوني أصيح خخخخخ

و المشكلة إن اللي حولي صدقوا و وصل الخبر لأمي و قالت إني

أصلا إنسانة  جبانة و ما أروم لها المواقف << أمي مووووووول ما تنفع حق رفع المعنويات خخخخ

المهم

الشيء اللي البنات حبوه في الحفلة و ما نسوه هو شكل وجهي يوم دخلت الصالة و انصدمت ههههههههه

الله يحفظ لي بنت عمي و خالتي  و بنات أهلي كلهن

ونااااااااااااااااااااااااااااااااااااااااسة و فلة كان يومي معاهن خخخخ

و إنتو يا أهل البلوجر شو آخر أخباركم.....؟؟؟

أتمنى تكونون بخير أدري إني مقصرة بس ترى ألاحظ المختفي و الساكت منكم

الله ييسر عليكم و يجعل أيامكم كلها  أفراح....